Khua mir sir dêh čar ta pơtŏng sit, hơdôm tơlơi gum hơgôp prong prin mơng khul ling tơhan mơnuih ƀôn sang mơ̆, phun ñu lĕ Khul ling tơhan Việt Nam sông kơtang, amăng anun hmâo Sư đoàn 341. Tơlơi ư-ang hur har mơng Sư đoàn nao hrom hăng tơlơi blah ngă tlaih rơngai djuai ania, kơdŏng glăi ayăt pơgang guai dêh čar Yŭ Dơnung mơng Lŏn ia, ngă bruă jar kơmar ƀơi lŏn ia gơyut Kur.

Ngă tui phiăn juăt 50 thun mơng Puih kơđông sông kơtang, pơ̆ anăp anai, Khua mir sir dêh čar ta ơi Nguyễn Xuân Phúc rơkâo Ping gah, Ƀirô git gai hăng abih bang Sư đoàn 341 tô̆ tui dong bruă pơhrăm pran jua, bôh thâo, mă bruă truh kih prong, đing nao pơdŏng Ping gah Sư đoàn klă hiam kơtang, pơdŏng puih kơđông kơjăp kơtang abih bang, lăng ba pơdŏng djơ̆ phiăn, wai lăng tơlơi phiăn. Sư đoàn khom hmâo hơdră pơtrun git gai djơ̆, pơphun ngă tui truh kih djop bruă dưi jao./.