Đĭ pơhiăp ƀơi anai, Khua mir sir dêh čar ta pơsit, hơdôm thun rơgao, Khul kông ang mơnuih ƀôn sang lăi hrŏm, khul pơgang rơnuk rơnua kơđi čar lăi ha jăn hmâo lăi pơthâo, pok pơhai ngă tui tơpă tơlơi črâo ba, pơsit jơlan gah mơ̆ng khua git gai Ping gah, Kơnuk kơna pioh kơ bruă pơhlôm rơnuk rơnua bruă kơđi čar.

Abih bang khul hmâo pơsir laih djop tơlơi tơnap, gum hrŏm hơbit, pơlir hơbit, thâo pơmin, pơčeh phrâo, ngă giong prong bruă kơđi čar hmâo jao; djru djă kơjăp tơlơi rơnuk rơnua, pơhlôm, mơ-ak klă, hơđong, pơjing tơlơi gal kơ pơđĭ kyar bơwih ƀong – mơnuih mơnam mơ̆ng lŏn ia, pơđĭ tui pran gơgrong, gru rup mơ̆ng Việt Nam ƀơi jar kơmar. Pơsit jơlan gah sa dua bruă phun mơ̆ng khul pơgang rơnuk rơnua kơđi čar pơ̆ anăp anai, Khua mir sir dêh čar ta rơkâo Ping gah Kông ang dêh čar, Ping gah Anom pơgang rơnuk rơnua kơđi čar ngă klă bruă pơphô brơi bruă pơgang phun akha tơlơi pơmin mơ̆ng Ping gah, pơgang tơlơi git gai, apăn bruă mơ̆ng Ping gah, pơgang kơnuk kơna, pơgang mơnuih ƀôn sang; đing nao thâo kơjăp, pơsit, pơkă lăng hlâo djơ̆, tơlơi hmâo mơ̆ng tañ, mơ̆ng ataih hơdôm tơlơi amra truh, tơlơi pơmin ngă sat, bruă kơsung blah mut amăng anom bruă čar kiăng hmao pơphô brơi hơdôm gưl hmâo hơdră pơtrun, jơlan pơsir ba glăi bôh tơhnal./.