VOV4.Jarai - Mơmot lơ 14/6, tơring čar Quảng Bình pơphun ngă Lơphet lăi pơthâo pơpŭ pran jua Wa Hồ hăng Jơlan hơdră adôh suang hơdor glăi 65 thun hrơi Wa Hồ glăi čuă Quảng Bình. Pơhiăp amăng mông ngă lơphet, Khua mir sir dêh čar ta ơi Nguyễn Xuân Phúc lăi rơđah: Quảng Bình lĕ kual lŏn drŏn klă jing anih anom pơhrua nao tum pơƀut lu bôh thâo đưm prong mơng djuai ania. Rơgao hăng anai 65 thun, lơ 16/6/1957, Wa Hồ hmâo nao čuă laih Quảng Bình.

Hlâo kơ ngă lơphet hơdor glăi, Khua mir sir dêh čar ta ơi Nguyễn Xuân Phúc tuĭ ñang hơdor glăi Khua mir sir Hồ Chí Minh hăng ƀing Ling tơhan pơsăn drơi

Amăng 65 thun ngă tui tơlơi pơtô mơng Wa, biă ñu lĕ rơbêh kơ 35 thun ngă tui jơlan pơplih phrâo, kual lŏn bôn drơi yua kơ bôh phao, bôh ƀôm rơnuk blah ngă hmâo pơplih drơi pơđĭ kyar kơtang laih. Ping gah, khul ling tơhan hăng mơnuih ƀôn sang Quảng Bình hmâo gum hrom sa pran, gir run hrưn đĭ, khom hmâo hơdôm bôh than prong amăng abih bang hơdôm mơta bruă. Hơdôm bôh than dưi ngă lĕ lăp ư-ang biă, pơjing phun than kơjăp kơ tơring čar Quảng Bình pơđĭ kyar tañ hăng kơjăp phik hloh pơ̆ anăp anai. Amăng mông ngă kơphet hơdor glăi, ƀing khua pơ ala hăng lu mơnuih ƀôn sang lăng jơlan hơdră adôh suang pioh kơ hrơi hơdor glăi “Rơkâo gum hrom Wa hrưn đĭ na nao”./.

Siu H’ Prăk: Pơblang