Amăng mông ngă Lơphet, Khua mir sir dêh čar ta ơi Tô Lâm pơ ala kơ Ping gah, Kơnuk kơna ƀơk Miđai dăp tal 2 kơ Khul mă bruă măi mok, črăn bơni čih djă pioh hơdôm bruă dưi ngă hăng gum hơgôp prong mơ̆ng anom bruă.

Khua mir sir dêh čar ta pơtŏng sit, Ping gah, Kơnuk kơna, Ping gah Kông ang dêh čar hăng Ding jum kông ang djă pioh na nao, pơsit yôm tơlơi tuh rơyuh prong prin hăng hơdôm bôh than dưi ngă prong mơ̆ng Khul mă bruă măi mok Kông ang mơnuih ƀôn sang amăng 70 thun pơdŏng, hrưn đĭ hăng truh kih. Khua mir sir đăo kơnang khul mă bruă măi mok Kông ang mơnuih ƀôn sang gum hrŏm hơbit dong, thâo pơmin, pơčeh phrâo, yak rơgao djop tơlơi tơnap, tơlơi lông, pơjing dong lu bôh than, tơlơi truh kih phrâo, ngă giong prong djop bruă jao, lăp djơ̆, biă ñu đăo kơnang khut khăt ha pran jua mơ̆ng Ping gah, Kơnuk kơna, mơnuih ƀôn sang, djru ngă truh kih bruă jao pơdŏng hăng pơgang Lŏn ia Việt Nam djop mơnuih dưm kơnar./.