Tơlơi pơsit lăi rơđah, mơnuih hmâo bôh than prong amăng ngă tui bruă pơhrăm blah, djru bruă pơdŏng lŏn ia djop mơnuih dưm kơnar hăng pơgang lŏn ia. Hlâo kơ anun lơ 5/12, Kơ-iăng Khua dêh čar ơi Nguyễn Hòa Bình pơ ala kơ Gong gai dêh čar kĭ Tơlơi pơsit kơ bruă pơsit Ƀằng “Lŏn ia čih pioh pran jua” brơi kơ 12 čô ling tơhan pơsăn drơi amăng mông pơhrăm blah pơgang pơhlôm Quân khu 7.

Tơdơi kơ hmâo tơlơi truh, Ƀirô pơtrun bruă tơhan Quân khu 7 hmao tlôn črâo ba hơdôm bôh ƀirô apăn bruă anai hăng puih kơđông gum hrŏm kơjăp hăng gưl Ping gah, Gong gai ƀơi anai tañ pơphun pel ĕp anih anom, hơduah ĕp, tum pơƀut, pel ĕp tơlơi truh anun; hrŏm hăng anun ngă klă gah tơlơi pơmin, pơtô ba, hơdră bruă hmao tlôn đing nao, pơsur, juh alum pran jua pioh kơ hơdôm bôh sang anô̆ hmâo tơhan pơsăn drơi./.