Jao anăn “Ƀôn prong Sông kơtang” kơ ƀôn prong Hải Phòng hăng pơhiăp amăng mông ngă lơphet hơdor glăi, pơ ala kơ khua git gai Ping gah, Kơnuk kơna, Khua mir sir dêh čar ta ơi Lương Cường hơ-ưč hmưi, pơsit yôm hơdôm bôh than, bôh tơhnal hăng hơdôm tơlơi gum hơgôp prong amăng bruă tlaih rơngai djuai ania; ăt kah hăng amăng bruă pơplih phrâo, pơdŏng, pơđĭ kyar lŏn ia hăng pơgang kơjăp Lŏn ia Việt Nam djop mơnuih dưm kơnar mơ̆ng Ping gah, gong gai, mơnuih ƀôn sang hăng khul ling tơhan ƀôn prong Hải Phòng amăng 70 thun rơgao.

Khua mir sir dêh čar ta ơi Lương Cường đăo kơnang, hăng phiăn juăt gru grua hur har; hơdôm bôh than hăng tơlơi găn rơgao yôm phăn tơdơi kơ 70 thun tlaih rơngai Ping gah, gong gai, khul tơhan hăng mơnuih ƀôn sang ƀôn prong Hải Phòng amra gum hrŏm hơbit, yak rơgao djop tơlơi tơnap, tơlơi lông, đing nao pơdŏng ƀôn prong pơđĭ kyar tañ, kơjăp phik, pơdrŏng asah, klă hiam, thâo rơgơi hăng jê̆ giăm, mơnuih ƀôn sang hmâo tơlơi hơdip trơi pơđao, yâo mơ-ak./.