VOV4.Jarai - Mơmot lơ 8/5, Ƀơi Sang adôh suang prong Hà Nội, Khul pơlir hơbih hơdôm khul čih bôh pia adôh suang Việt Nam hăng Khul čih bôh pia Việt Nam pơphun ngă Lơphet ƀơk Miđai Rơngai dăp tal dua kơ pô thâo pơčeh tơlơi pơtưh Hữu Thỉnh hăng Jơlan hơdră bôh thâo “Pô čih tơlơi pơtưh Hữu Thỉnh – Pran kơjăp kơtang mơng lŏn”. Khua mir sir dêh čar ta ơi Nguyễn Xuân hmâo nao pơhmư̆ hăng ƀơk Miđai Rơngai dăp tal dua kơ pô thâo čih tơlơi pơtưh Hữu Thỉnh. Pô thâo čih tơlơi pơtưh Hữu Thỉnh tơkeng thun 1942, anăn sit ñu lĕ Nguyễn Hữu Thỉnh, anăn čih tơlơi pơtưh Vũ Hữu, jing pô thâo čih tơlơi pơtưh, thâo čih bôh pia, ding kơna amăng Khul mơnuih čih bôh pia dêh čar Việt Nam mơng thun 1976, Khua čih pioh hăng Khua Khul čih bôh pia Việt Nam (4 rơwang bruă tô̆ tui tlôn). Ñu ăt jing mơn Khua pơ ala mơnuih ƀôn sang dêh čar ta tal 10, tal 11. Pri apah bơni yôm prong dưi hmâo mă tal anai amra hmâo dong pran pơtrut, pơsit pran kiăng Hữu Thỉnh gum hơgôp lu hloh dong, hrom hăng anun pơpŭ bơni hơdôm bôh yôm bôh pia mơ̆ ñu hmâo tuh rơyuh kơ bruă čih bôh pia kơnuk kơna ta amăng rơbêh kơ 60 thun rơgao./.

Siu H’ Prăk: Pơblang