Pơhiăp amăng mông bơkơtuai, Khua mir sir dêh čar Hàn Quốc Yoon Seok Yeol pơtŏng sit Hàn Quốc lăng Việt Nam lĕ bơnah gum hrom yôm phăn, đing nao hlâo amăng hơdră bruă pơtom hiăp mơng Hàn Quốc amăng kual. Hluai tui hơdôm bôh than yôm phăn dưi ngă, hăng tơlơi đăo gơnang kơtang kơ pơgi kơdih anai gum hrom kơplah wah dua bôh dêh čar, dua gơñu hmâo lăi pơtŏng hrom pơđĭ tui tơlơi rô nao rai Việt Nam – Hàn Quốc truh “Bơnah gum hrom khom ngă abih bang”, pok tơbiă sa rơwang pơđĭ kyar phrâo kơ tơlơi rô nao rai dua bôh dêh čar.

Dua bơnah tŭ ư pơtrut kơtang abih bang gum hrom gah sĭ mơdrô, tuh pơplai, mơnuih mơnam juăt hăng pơtô glăi bôh phrâo măi mok, djru hơkrŭ hăng pơđĭ kyar bơwih ƀong, mơnuih mơnam juăt hăng rơnuk phrâo. Pơđut bruă bơkơtuai, dua gơñu hmâo ba tơbiă Tơlơi lăi pơtŏng hrom Việt Nam – Hàn Quốc kơ tơlơi rô nao rai gum hrom khom ngă abih bang kiăng anăp nao gum hrom đăo gơnang dơlăm kơplah wah dua bôh dêh čar amăng abih bang bruă jai hrơi jai nao dơlăm, sit nik hăng ba glăi bôh tơhnal hloh./.