VOV4.Jarai - Mơguah lơ 3/6, ƀơi anih mă bruă Khua mir sir, Khua mir sir dêh čar ta ơi Nguyễn Xuân Phúc mă bruă hăng Khul kơsem min bôh thâo gru grua đưm Việt Nam. Pơ ala kơ khua git gai Ping gah, Kơnuk kơna, Khua mir sir dêh čar ta ơi Nguyễn Xuân Phúc bơni, pơpŭ, djă pioh bôh than mơng ƀing juăt bruă, kơsem min bôh thâo phrâo, mơnuih kơsem min gru grua đưm dêh čar – hơdôm mơnuih hmâo laih hăng glăk tuh rơyuh pran jua bôh thâo, ia rơgơi kơ tơlơi pơđĭ kyar bruă kơsem min bôh thâo gru grua lăi ha jăn ăt kah hăng bruă pơdŏng hăng pơgang lŏn ia lăi hrom.

Pơhiăp amăng mông mă bruă, pơ̆ anăp anai, Khua mir sir čang rơmang Khul kơsem min gru grua bôh thâo đưm Việt Nam ƀu djơ̆ kơnong kơ kơsem min hăng đing nao gru grua đưm Việt Nam ôh mơ̆, dô̆ kơsem min, thâo dơlăm kơ gru grua đưm amăng kual hăng rŏng lŏn tơnah. Khua mir sir čang rơmang ƀing thâo gru grua đưm Việt Nam jing mơnuih sit nik thâo kơ gru grua đưm, thâo anô̆ yôm mơng gru grua đưm hăng jơlan nao phrâo, khăp kơ tơlơi rơnuk rơnua, pơgang tơlơi djơ̆, abih pran jua pioh kơ bruă Lŏn ia, ƀu djơ̆ kơnong kơ mơnuih čih glăi gru grua lŏn ia ôh mơ̆ dô̆ čih pioh gru pơđom pioh mơng pô amăng gru grua pơdŏng hăng pơgang Lŏn ia Việt Nam rơnuk Hồ Chí Minh dong./.

Siu H’ Prăk: Pơblang