Khua mir sir dêh čar ta ơi Nguyễn Xuân Phúc pơtŏng sit, Việt Nam lăng yôm na nao tơlơi giăng mah mơng hlâo hăng gum hrom lu mơta hăng Azerbaijan.

Khua anih jưh pơ ala kơ  Azerbaijan brơi thâo, amra ngă abih pran jua kiăng djru pơtrut tơlơi rô nao rai kơplah wah dua bôh dêh čar jai hrơi jai đĭ kyar, hăng kơtưn lăi pơhing tơlơi rô nao rai nao hrom hăng giăng mah mơng hlâo kơplah wah dua bôh dêh čar biă ñu rơnuk hlăk ai. Tŭ jum Khua anih jưh pơ ala kơ Brunei, yă Datin Paduka Malai Hajah Halimah Malai Haji Yussoft, Khua mir sir dêh čar ta ăt rơkâo mơn pơ̆ anăp anai, Khua anih jưh pơtrut bơkơtuai gah grŭp, bưp gưl dlông hăng hơdôm gưl; pơtrut gum hrom dua bôh dêh čar amăng pơtô pơhrăm, tuai čuă ngui, bơkơtuai mơnuih ƀôn sang; tañ pơjing jơlan hơdră ngă bruă pok pơhai tơlơi gum hrom abih bang rơwang 2023-2027./.