Amăng tal nao čuă gưl Kơnuk kơna pơ̆ dêh čar Hàn Quốc, mơguah lơ 5/12, ƀơi Seoul, Khua mir sir dêh čar ta ơi Nguyễn Xuân Phúc hmâo pioh laih mông tŭ jum hơdôm Grŭp ba jơlan hlâo mơng Hàn Quốc glăk pok pơhai lu rơwang bruă prong ƀơi Việt Nam.

Tŭ jum Khua ngă rah Khua phun akha git gai Grŭp bơwih ƀong CJ, ơi Kyung Shik Sohn, Khua mir sir dêh čar ta ơi Nguyễn Xuân Phúc pơsit yôm Grŭp hmâo ngă tui djơ̆ hơdôm tơlơi pơkôl tuh pơplai amăng dêh čar Việt Nam gah bruă ngă rai gơnam tam ƀong huă, gơnam pioh rông hlô, sinh học, logistic hăng bôh thâo. Khua mir sir dêh čar ta rơkâo CJ pok prong tuh pơplai ƀơi Việt Nam dong, ngă brơi Việt Nam jing anih anom ngă rai gơnam tam hăng sĭ mơdrô ƀơi đơ đam rŏng lŏn tơnah. Tŭ jum Khua Grŭp bơwih ƀong Daewoo E&C Hàn Quốc Jung Won-ju, Khua mir sir dêh čar ta ơi Nguyễn Xuân Phúc rơkâo Daewoo E&C tuh pơplai pơdŏng sang ia jrao prong ƀơi Việt Nam. Hrom hăng anun lĕ tuh pơplai amăng hơdôm bruă anom mă yua, ia jâu hyuh, plơi prong hơdeč hmar, djru kơ anih anom tuh pơplai mơng Hàn Quốc./.