Tơdơi kơ mông ngă lơphet čơkă sit nik, Khua mir sir dêh čar ta ơi Tô Lâm hrŏm hăng Khua git gai Ping gah, Khua mir sir dêh čar Lao ba jơlan hlâo grŭp khua pơ ala gưl dlông dua bôh dêh čar pơphun bơkơtuai.
Dua gơñu pơtŏng sit glăi hơdră bruă ha sa mơ̆ng dua bơnah lĕ lăng yôm hăng đing nao hlâo hloh kơ bruă hơkrŭ đĭ, bư̆ bôr tơlơi rô nao rai giăng mah, gum hrŏm hơbit phara hăng gum hrŏm abih bang Việt Nam – Lao; đing nao dong pok pơhai ba glăi bôh tơhnal hơdôm tơlơi pơkôl gưl dlông kơplah wah dua bôh dêh čar, ăt kah hăng kơplah wah hơdôm ding jum, gơnong bruă ƀơi dêh čar hăng tơring čar, ƀôn prong; kơtưn lăi pơthâo hơdôm tơlơi khom ngă; pơtrut kơtang hơdôm tal pơplih čuă nao rai, bưp gưl dlông hăng hơdôm gưl; pel ĕp glăi hăng pơđĭ dlông bôh tơhnal hơdôm hơdră pơkă gum hrŏm; pơtrut kơtang lăi pơhing, pơtô pơhrăm gru grua phiăn juăt đưm tơlơi rô nao rai gum hrŏm hơbit phara Việt Nam – Lao kơ mơnuih ƀôn sang dua bôh dêh čar. Khua mir sir dêh čar ta ơi Tô Lâm pơtŏng sit hăng pran jua ƀing gŏp adơi ayong, Việt Nam amra abih pran jua dong yua Lao gơgrong bruă truh kih hơdôm bruă mă prong jar kơmar amăng thun 2024, amăng anun hmâo bruă ngă Khua khul ASEAN hăng Khua AIPA./.
Viết bình luận