Pơ ala kơ mơnuih pơ ala mơnuih ƀôn sang hơ-ơč hmưi Khua mir sir dêh čar ơi Tô Lâm dưi hmâo Ping gah, Khua pơ ala mơnuih ƀôn sang ruah jao bruă yôm prong phrâo, pơdah pran jua pơsit yôm hơdôm bôh tơhnal ƀuh rơđah mơ̆ng tal Jơnum lok 7 phrâo rơgao, lơm Khua pơ ala mơnuih ƀôn sang hmâo ngă giong lu bruă prong bruă čih pơkra tơlơi phiăn, tơlơi pơsit lu tơlơi yôm phăn mơ̆ng lŏn ia.

Khua mir sir dêh čar ta ơi Tô Lâm lăi pơthâo, bruă dưi ruah, ngă khua phrâo lĕ tơlơi ư-ang, samơ̆ ăt jing bruă gơgrong yôm prong, pơdah pran jua čang rơmang amra čơkă mă dong tơlơi dŏng yua, lăi pơthâo nao rai, gum pơhiăp mơ̆ng khua pơ ala mơnuih pioh dưi ngă giong bruă jao mơ̆ng Khua mir sir dêh čar, ngă giong bruă jao lĕ pô pơ ala mơnuih ƀôn sang mơ̆ng mơnuih ƀôn sang. Amăng mông bưp, Khua mir sir dêh čar ta ră ruai hăng mơnuih pơ ala kơ mơnuih ƀôn sang kơ lu tơlơi rơđah kah hăng tơhnal pơdah rơđah amăng bruă pơkă kual, ngă hiưm hơpă pioh đĭ tui bôh tŭ yua, bôh tơhnal bruă pơgang apui ƀong, djru pơtlaih mơnuih; hơdôm tơlơi akă gal amăng bruă wai lăng ia jrao hăng gơnam tam mă yua gah ia jrao hăng lu tơlơi dưi hmâo mơnuih ƀôn sang đing nao amra dưi hmâo Khua pơ ala mơnuih ƀôn sang pel ĕp, lăng glăi amăng tal jơnum lok 8 pơ̆ anăp./.