Khua mir sir ơi Vladimir Putin pơsit yôm hơdôm tơlơi gum hơgôp yôm phăn mơ̆ng hơdôm rơnuk čơđai gưl dlông Việt Nam ƀơi dêh čar Nga kơ tơlơi rô nao rai giăng mah gum hrŏm mơ̆ng hlâo amăng lu thun rơgao, pơdah pran jua čang rơmang hơdôm rơnuk čơđai gưl dlông hơđăp Việt Nam amra jing jơlan tô nao rai hơdôm rơnuk hlăk ai Việt Nam thâo hluh rơđah hloh kơ bôh thâo, lŏn ia hăng ană mơnuih Nga.

Amăng mông bưp, ƀing khua pơ ala hmâo lăi pơthâo hơdôm tơlơi hơdor glăi dơlăm, pran jua hruă kơjăp kơplah wah mơnuih ƀôn sang dua bôh dêh čar; pơpŭ bơni tơlơi lăng ba, črâo ba kơjăp mơ̆ng gong gai dua bôh dêh čar pioh mơnuih ƀôn sang thâo hluh nao rai tơdruă hloh. Tui hăng Khua mir sir dêh čar ta ơi Tô Lâm, hơdôm tơlơi lăi pơthâo mơ̆ng ƀing tuai jak iâo amăng bruă pơbưp brơi ƀuh khă rơwang ataih nao rai kơplah wah dua bôh dêh čar ataih, samơ̆ mơnuih ƀôn sang Việt Nam ăt đing nao mơn, lăng tui dêh čar Nga, mơ-ak hăng bôh than hăng pơđĭ kyar mơ̆ng lŏn ia Nga, hơ-ơč hmưi dêh čar Nga pơđĭ kyar, pơdrong asah hăng pơđĭ kyar kơtang./.