Pơhiăp amăng mông ngă lơphet, Khua mir sir dêh čar ta ơi Tô Lâm pơdah pran jua mơ-ak dưi nao čuă anih anom ngă hơkrŭ hmư̆ hing Pắc Bó nao hrŏm hăng Wa Hồ, nao hrŏm hăng gru grua ngă hơkrŭ mơ̆ng Ping gah, Kơnuk kơna, hrŏm hăng anun dưi ƀơi mơta pô lăng ƀuh hơdôm tơlơi pơplih amăng tơlơi hơdip mơda mơ̆ng mơnuih ƀôn sang ƀơi anai, dưi lăng ƀuh lu ring bruă, hơdôm rơwang bruă yôm phun mơ̆ng tơring čar hmâo ba glăi laih lu bôh tơhnal klă, djru pơđĭ tui tơlơi hơdip mơda gơnam tam hăng pran jua mơ̆ng neh wa mơnuih ƀôn sang ƀơi plơi pla.

Khua mir sir dêh čar pơsit yôm tơring glông Hà Quảng hơdôm thun rơgao hmâo đing nao pơđĭ kyar bơwih ƀong, mơnuih mơnam, pơhlôm pơgang lŏn ia hăng rơnuk rơnua plơi pla, samơ̆ ăt pơhlôm na nao mơn pơđĭ dlông tơlơi hơdip mơda mơnuih ƀôn sang. Khua mir sir dêh čar ta lăi rơđah, lơm dô̆ hơdip Wa Hồ kiăng khăp đing nao na nao bruă bơwih brơi kơ rơnuk hlăk ai, biă ñu ƀing tơdăm ngek dra muai, čơđai muai.... hăng anai ăt jing bruă jao mơ̆ Ping gah hăng Kơnuk kơna lăng ba na nao pioh abih bang čơđai muai leng kơ dưi nao sang hră, dưi čơkă mă bôh tŭ yua mơ̆ng hơdôm bôh than mơ̆ng bruă ngă hơkrŭ. Yua anun bruă pơđĭ dlông tơlơi pơtô pơhrăm jing bruă yôm phăn, amăng anun khom đing nao mơtăm mơ̆ng hơdôm gưl  hrăm čơđai anet./.