Khua mir sir dêh čar ta pơtŏng sit Việt Nam lăng Nga lĕ sa amăng hơdôm bơnah gum hrŏm ba jơlan hlâo amăng hơdră bruă pơtom hiăp mơ̆ng pô, lăng tui na nao tơlơi hăng dŏng yua Nga pơđĭ kyar hơđong. Ping gah, Kơnuk kơna hăng mơnuih ƀôn sang Việt Nam djă pioh na nao tơlơi gum djru prong prin, ha pran jua mơ̆ mơnuih ƀôn sang Liên Xô hăng mơnuih ƀôn sang Nga hmâo pioh kơ Việt Nam amăng bruă kơdŏng blah mă glăi tơlơi rơngai, pơlir hơbit lŏn ia hlâo adih, ăt kah hăng amăng pơplih phrâo, pơdŏng hăng pơgang lŏn ia ră anai.

Khua mir sir Tô Lâm pơsit yôm tơlơi pơđĭ kyar klă mơ̆ng tơlơi rô nao rai giăng mah mơ̆ng hlâo hăng bơnah gum hrŏm djop bruă kơplah wah Việt Nam hăng Nga amăng hơdôm hrơi rơgao hluai tui abih bang hơdôm glông hăng hơdôm bruă gum hrŏm, mơ-ak hăng bruă sĭ gơnam nao rai dua bơnah hơdôm hrơi rơgao đĭ lăp yap ba biă. Dua bơnah ăt dô̆ mơn lu tơlơi gal pioh pơtrut gum hrŏm, biă ñu amăng hơdôm bruă kah hăng bơwih ƀong – sĭ mơdrô – tuh pơplai, anih anom mă yua, jơlan nao rai dŭ pơgiăng, tuai čuă ngui, bơkơtuai mơnuih ƀôn sang./.