Tơdơi kơ hmư̆ tơlơi gum pơhiăp amăng mông mă bruă, Khua mir sir dêh čar ta pơsit yôm tơring čar hmâo pơkra giong laih 22 bôh dơnao ia prong dưi kŏng 520 klăk met khô̆i ia pơhlôm ia yua, ia kơ đang hmua, jing anih phun rông hơdang pioh djuai prong hloh mơng đơ đam dêh čar. Mrô tuai nao čuă lăng jai hrơi jai lu. Bruă bôh thâo – mơnuih mơnam dưi đing nao. Črâo tơbiă sa dua mơta anih hruă amăng pơđĭ kyar mơng Ninh Thuận, Khua mir sir dêh čar ta ơi Võ Văn Thưởng rơkâo, Ping gah, gong gai hăng mơnuih ƀôn sang tơring čar khom ngă dong tơlơi pơtrun pơsit jơnum Ping gah hơdôm gưl, hăng pơmin pơplih phrâo, tơhnal lăng bruă mă, pơjing pran pơtrut phrâo pioh pơtrut pơđĭ kyar bơwih ƀong – mơnuih mơnam tañ hăng kơjăp phik. Khua mir sir dêh čar ăt rơkâo mơn tơring čar pơtrut pơđĭ kyar bơwih ƀong – mơnuih mơnam tañ hăng kơjăp phik. Khua mir sir dêh čar ta ăt rơkâo mơn tơring čar pok pơhư dong tơlơi čang rơmang hrưn đĭ, pran jua gum hrom hơbit, gơgrong pô, pran kơtang amăng lăm, phiăn juăt gru grua, bôh thâo đưm, ană mơnuih Ninh Thuận; pơdŏng bôh thâo pơđĭ kyar abih bang ană mơnuih Ninh Thuận.

Mơmot lơ 15/6, Khua mir sir dêh čar ta hmâo nao pơhmư̆ laih mông ngă Lơphet čơkă mă ƀăng čih anăn mơng UNESCO pioh kơ bôh thâo man gŏ lŏn mơng djuai ania Čăm amăng Hră čih anăn gru grua bôh thâo pioh pơgang ječ hăng pok phun Jơnum ngui bôh bâo - Vang Ninh Thuận thun 2023./.