VOV4.Jarai-Hlâo kơ anun, ăt ƀơi Đà Nẵng mơ̆n, Khua mir sir ơi Nguyễn Xuân Phúc, Khua git gai khul pơgang rơnuk rơnua hăng hơđong dêh čar nao čuă, ĕp lăng bruă mă pơgang hăng prăp pran jua blah ngă amăng hơdôm hrơi Tết ngă yang thun phrâo Nhâm Dần 2022 mơ̆ng khua mua tơhan kual 5.  Lăi pơtong, tơhan kual 5 jing anih yôm phun, 11 boh tơring čar, ƀôn prong hăng 922 km hang ia rơsĭ, Khua mir sir ơi Nguyễn Xuân Phúc rơkâo kơ tơhan kual 5 ngă klă bruă jao pơgang tơlơi rơnuk rơnua, prăp lui blah ngă tơdah hơmâo tơlơi ječ ameč, ngă rung răng dêh čar.

Khua mir sir rơkâo, Ping gah, khua mua tơhan kual 5 jŭ yap glăi, pơpha bruă mă pơgang hrơi mơak ngă yang thun phrâo, djru kơ tơhan blah ngă ƀong tết mơak, sang anŏ ƀing tơhan hăng sang anŏ kơnuk kơna djru, sang anŏ tơnap tap amăng kual boh nik ñu amăng kual čư̆ siăng, bul pơtâo ia rơsĭ, ngă klă bruă hơdor tơngia, bruă mă djru gơnam ƀong huă kơ ling tơhan.

Nay Jek: Pơblang