VOV4.Jarai - Lơ 29/7, Ding kơna ding jum kơđi čar, Khua mir sir ơi Nguyễn Xuân Phúc git gai Jơnum lok 2 Khul khua wai lăng bruă ling tơhan pơgang lŏn ia hăng rơnuk rơnua plơi pla rơwang thun 2021-2026. Khua mir sir ơi Nguyễn Xuân Phúc bơni kơ ling tơhan ƀô̆ đô̆i, kông ang, mơnuih ngă bruă pơtom hiăp hăng djŏp ding jum, anom bruă Kơnuk kơna mă bruă kơjăp, thâo pơblang rơđah, him lăng hlâo tơlơi kơsung blah kơplah wah Nga hăng Ukraine, hmao tlôn lăi pơthâo glăi, rơkâo đĭ hăng Khua mua Ping gah, Kơnuk kơna kơ hơdôm tơlơi pơmin, jơlan ngă bruă blung a djơ̆ lăp. Khul hơmâo bơkơtuai hăng pơgôp hiăp kơ tơlơi rơnuk rơnua prăk kăk amăng hrơi blan rơgao laih anun him lăng hlâo amăng hrơi blan pơ anăp. Khul ăt rơkâo tơhan kông an hăng abih bang tơhan bơdjơ̆ nao amăng hrơi blan pơ anăp pơtrut tui hơdôm tơlơi dưi ngă, kơsem min, lăi pơthâo hăng Ping gah, Kơnuk kơna hơdôm jơlan hơdră ngă bruă ăt kah hăng pok pơhai dưm kơnar, khut khăt, tŭ yua djŏp bruă kiăng ngă, hơdră pơsir pơhlôm hơđong rơnuk rơnua prăk kăk, djru rŭ glăi hăng pơđĭ kyar bơwih ƀong huă - mơnuih mơnam mơng lŏn ia ta.

Siu H’Mai: Pơblang