VOV4.Jarai - Mơguah lơ 17/1, ƀơi ƀon prong Đà Nẵng, Anom črâo bruă čih pơkra kơčăo bruă “Hơdră bruă akŏ pơjing hăng ngă pơgiong kơnuk kơna kiăo tui tơlơi phiăn XHCN Việt Nam truh thun 2030, lăng nao pơ anăp truh thun 2045” pơphun Jơnum hơmâo anăn “Pơtrut tui, pơđĭ tui hloh anŏ tŭ yua bruă pơplih phrâo tơlơi phiăn djơ̆ hăng tơlơi kiăng akŏ pơjing hăng ngă pơgiong kơnuk kơna tui tơlơi phiăn XHCN Việt Nam truh thun 2030, lăng nao pơ anăp truh thun 2045”. Khua mir sir ơi Nguyễn Xuân Phúc, Khua Anom bruă git gai pơkra kơčăo bruă anai git gai mông jơnum. Pơhiăp ƀơi mông jơnum, Khua mir sir ơi Nguyễn Xuân Phúc bơni kơ ƀing khua hơmâo lăi pơthâo, pơgôp hiăp, ngă rơđah hơdôm tơlơi kiăng pơsir mơng bruă pơplih phrâo tơlơi phiăn, sa amăng hơdôm tơlơi yôm phun mơng Kơčăo bruă prong anai. Tŭ ư hăng hơdôm tơlơi pơgôp hiăp, Khua mir sir lăi, amăng mông abih bang lŏn tơnah pơplih, mut hrŏm hăng jar kmar, bơwih ƀong mrô, mơnuih mơnam mă yua mrô boh thâo phrâo, hăng tơlơi bơdjơ̆ nao mơng bruă hơkrŭ boh thâo măi mok tal 4 ƀơi djŏp mơta tơlơi hơdip, tơlơi kiăng ngă ječ ră anai lĕ pơplih phrâo kơtang hloh tơlơi phiăn Việt Nam.

Siu H’Mai: Pơblang