VOV4.Jarai-Khul khua mua pơkra hơdră “Pơƀut 10 thun ngă tui Hră pơtrun mơ̆ng ping gah lok 8 tal XI dêh čar kơ Bruă mă pơgang Lŏn ia amăng rơnuk phrâo, phrâo jơnum hăng khua pơ ala ping gah anom bruă tơhan dêh čar, anom bruă phun mơ̆ng Khul git gai hăng pơ ala kơ Grup čih pơkra hăng grup djru Khul khua mua git gai. Khua mir sir ơi Nguyễn Xuân Phúc, Ding kơna ding jum kơđi čar, Khua khul git gai pơƀut bruă mă git gai jơnum.

Pơhiăp amăng mông jơnum, Khua mir sir lăi pơƀut bruă mă ngă tui Hră pơtrun jơnum lok 8 ping gah dêh čar ta tal XI kơ bruă pơgang lŏn ia amăng tơlơi pơhing phrâo yôm biă mă. Yua kơ anun, kơčăo bruă pioh pơdah kơ khua mua ping gah dêh čar lĕ khom djơ̆, tơpă laih anun pơtong glăi tong ten abih bang boh tơhnal ngă tui hră pơtrun, laih dơ̆ng pơčrâo rơđah bruă gleng nao hlâo hloh, bruă aka ƀu dưi ngă, dŏ kơƀah, tơdu, phun ñu, tơlơi glăm ba hăng tơlơi hrăm glăi mơ̆ng bruă mă anun, laih dơ̆ng anăp nao mă bruă tơhnal pơtrun, hơdră wai pơgang lŏn ia amăng tơlơi pơhing phrâo.

Nay Jek: Pơblang