Bơni hơ-ơč kơ ơi Nguyễn Hồng Nam dưi hơmâo Ping gah, Kơnuk kơna đăo kơnang jao bruă glăm prong ngă khua phat kơđi prong kơ sang phat kơđi dêh čar ƀơi Hà Nội, Khua mir sir lăi lĕ, anai jing bruă mă hing ang, lăp pơ- ư ang prong, laih dơ̆ng tơlơi glăm ăt prong mơ̆n.

Khua mir sir đăo kơnang, ơi Nguyễn Hồng Nam amra pơđĭ tui na nao gru grua hing ang gah anom bruă phat kơđi mơnuih bobon sang, gir run hloh ngă giong bruă jao, lăp hăng tơlơi đăo kơnang mơ̆ng Ping gah, kơnuk kơna, mơnuih ƀôn sang, mơnuih apăn bruă amăng sang bruă phat kơđi. Khua phat kơđi ơi Nguyễn Hồng Nam pơdah pran jua hok mơak hăng dlưh pran jua tŭ mă hră pơsit mơ̆ng Khua mir sir jao bruă ngă khua phat kơđi prong, laih  anun amra tŭ mă djă pioh tơlơi pơgôp hiăp git gai mơ̆ng Khua mir sir, ƀuăn  amra ngă giong bruă jao.