Pơhiăp amăng mông jơnum ngă lơphet ngui ngor ƀong mơñum rah gưl dêh čar jua tuai, Khua mir sir dêh čar Italia lăi pơtong: Việt Nam lĕ sa bơnah ngă hrŏm yôm biă mă hăng bruă ngă bơkơnar, thâo rơgơi amăng kual ia rơsĭ Ấn Độ Dương-Thái Bình Dương, anih mơ̆ Italia hlăk jai hrơi đing nao, boh nik ñu amăng bruă mă ngă hrŏm mơ̆ng kual EU.

Pơhiăp lăi glăi, Khua mir sir ơi Võ Văn Thưởng hơmâo yap glăi hơdôm boh yôm phun bơkơtuai nao rai dua bơnah hăng Khua mir sir Italia laih anun khua mua dêh čar Italia amăng tal nao čuă jơmư anai, Khua mir sir lăi, dua bơnah hơmâo kah pơpha nao rai tơlơi kiăng hăng pơsit ba bruă ngă pŭ ƀăn dua bơnah jing yôm hloh amăng sa bơnah hră phrâo, kơtang hăng tŭ yua hloh, djru nao amăng bruă pơkă hrŏm pơđĭ kyar hơđong kjăp laih anun pơsir hơdôm tơlơi amăng rŏng lŏn tơnah đing nao, kơnang kơ atur ngă bơkơnar dua bơnah lêng hơmâo anŏ tŭ yua, mă yua anŏ gêh găl hăng tơlơi hơmâo mơ̆ng rĭm boh dêh čar, yua boh tŭ yua kơ mơnuih ƀôn sang dua bơnah dêh čar, yua tơlơi rơnuk rơnua mơak klă, ngă hrŏm hăng pơđĭ kyar amăng kual laih anun amăng rŏng lŏn tơnah.