Tal plĕ hră blung a ruah Khua pơ ala mơnuih ƀôn sang dêh čar Việt Nam Dân chủ Cộng hòa, lơ 6/1/1946 (ră anai lĕ dêh čar Cộng hòa xã hội chủ nghĩa Việt Nam) lĕ sa bruă pơphun yôm phăn, pok rai bruă pơjing dêh čar tui hơdră phrâo ƀơi dêh čar ta. Tơlơi truh kih mơng tal plĕ hră lĕ mơng pran gum pơgôp, sông kơtang, tuh rơyuh pran jua mơng abih bang mơnuih ƀôn sang Việt Nam hăng tơlơi pơgôp prong prin hră pơhing ngă hơkrŭ amăng bruă lăi pơthâo, amăng anun hơmâo hră pơhing Khua pơ ala mơnuih ƀôn sang dêh čar. Amăng thun blan anun, hră pơhing Khua pơ ala mơnuih ƀôn sang dêh čar akŏ pơjing lơ 17/12/1945.

Hră pơhing Khua pơ ala mơnuih ƀôn sang dêh čar lĕ hră pơhing kơđŏm glăi tơlơi yôm, hăng boh tơhnal pơhing phun lăi nao tơlơi yôm mơng tal plĕ hră ruah khua blung a, ruah Khua pơ ala mơnuih ƀôn sang dêh čar tal I. Mah hơmâo čoh ba hyu 15 mrô hăng mă bruă amăng 21 hrơi, samơ̆ hră pơhing Khua pơ ala mơnuih ƀôn sang dêh čar pơgôp yôm amăng bruă lăi pơthâo kơ tal plĕ hră ruah khua.