VOV4.Jarai - Amăng hơdôm hrơi nao mă bruă pơ Quảng Nam, Khua mir sir ơi Nguyễn Xuân Phúc nao jơnum hăng đĭ pơhiăp amăng mông jơnum bơkơtuai kơ bruă pơsit Sâm Ngọc jing gơnam sĭ mơdrô yôm kơ dêh čar. Đĭ pơhiăp amăng mông jơnum, Khua mir sir ơi Nguyễn Xuân Phúc sa wŏt dong pơsit tong kơ tơlơi čang rơmang ba “gơnam yôm kơ dêh čar” Sâm Ngọc Linh jing “gơnam sĭ mơdrô yôm”, lĕ tơlơi čang rơmang phrâo mơng Việt Nam amăng gơnong bruă phun akha kyâo hăng gơnam yua ngă hiam amăng drơi jăn. Hăng hơdôm tơlơi dưi, amuñ sĭ mơdrô hăng sĭ hơmâo nua, Khua mir sir brơi thâo, Việt Nam amra pơđĭ kyar bruă pla pơjing hăng pơkra Sâm Ngọc Linh hăng hơnong pơkă ba glăi rơnoh yôm hloh mơng phun akha kyâo hăng sĭ mơdrô pơ tač rơngiao amăng hơdôm pluh thun pơ anăp. Kiăng kơ ngă tui hơnong pơkă anai, Khua mir sir brơi thâo, kiăng kơ hơmâo tơlơi gum djru mơng Kơnuk kơna, djop ding jum, gơnong bruă hăng hơdôm ƀon lan laih dong anom bơwih ƀong sĭ mơdrô. Khua mir sir pơsit tong kiăng kơ pơđĭ kyar anăn păn sĭ mơdrô Sâm Ngọc Linh jing gơnam sĭ mơdrô yôm kơ dêh čar, ƀu djơ̆ lăng kơnong sa gơnam sĭ mơdrô ƀudah gơnam mơng anom bơwih ƀong sĭ mơdrô.

Siu Đoan: Pơblang