Kơ Sang ia jrao tơhan rŭi hyu gưl 2 mrô 5 (pơplih hăng Sang ia jrao tơhan rŭi hyu gưl 2 mrô 4 ) ngă bruă ƀơi dêh čar Nam Sudan, Sang ia jrao tơhan hơmâo 63 čô ơi ia jrao, amăng anun hơmâo 11 čô đah kơmơi, hơmâo ruah mơ̆ng hơdôm Khul tơhan Quân khu 5, 7, 9; Quân đoàn 4; Sang ia jrao tơhan 175; Anom bruă pơgang tơlơi rơnuk rơnua Việt Nam hăng hơdôm anom bruă pơkŏn dong.

Mơnuih nao mă bruă hơmâo pơtŏp kơjăp djŏp mơta bruă, wơ̆t bruă kơđi čar, bruă tơhan, măi mok kĭ thuâ̆t, ia jrao, bruă pơgang tơlơi rơnuk rơnua kiăo tui tơlơi hơmâo sit nik ră anai, djơ̆ hăng tơlơi pơkă mơ̆ng Sang gum hơbit djŏp dêh čar laih anun tơlơi kiăng mơ̆ng Grup khua pơtom hiăp. Brơi hră, brơi hla kơ Lŏn ia kơ tơhan pơgang tơlơi rơnuk rơnua ƀơi mông nao mă bruă, Khua mir sir pơsit, Ping gah, Kơnuk kơna lêng kơ đăo gơnang, kơdrưh yua hơdôm tơlơi hơmâo ngă mơ̆ng tơhan wai lăng tơlơi rơnuk rơnua mơ̆ng Việt Nam amăng hrơi blan rơgao, laih dong đăo gơnang grup hơmâo nao mă bruă khŏm pơtrut tui tơlơi rơgơi mơ̆ng ƀing gơñu, djơ̆ tui hăng tơlơi kiăng mơ̆ng Sang gum hơbit djŏp dêh čar, djơ̆ hăng gru grua Ling tơhan Wa Hồ amăng bruă pơgang tơlơi rơngai Sang gum hơbit djŏp dêh čar.