VOV4.Jarai-Ƀrô hơdor glăi tal 81 thun hrơi gru grua Mơnuih tha rơma Việt Nam lơ 6/6, mơguah lơ 5/6, Khua mir sir ơi Nguyễn Xuân Phúc nao čuă hăng ƀơk gơnam kơ mơnuih tha rơma samơ̆ bơwih ƀong huă rơgơi ƀơi Anom bơwih ƀong hrom Tân Minh Đức, să Phạm Trấn, tơring glông Gia Lộc, tơring čar Hải Dương; nao čuă, ƀơk gơnam kơ khua mua pơ ala ƀing tha rơma mut phung ƀơi tơring čar Hải Dương.

Čuă anom bơwih ƀong hrom anai, Khua mir sir ơi Nguyễn Xuân Phúc pơdah pran jua hok mơak ƀuh boh tơhnal hiam klă mơ̆ng anom bơwih ƀong hrom Tân Minh Đức sa boh anih anom sĭ mơdrô bơwih ƀong huă hơmâo lu mơnuih tha rơma ngă ding kơna bơwih ƀong huă rơgơi. Biă mă ñu, Khua mir sir lăng yôm anom bơwih ƀong hrom anai ngă tui hơdră mă bruă phrâo, wai lăng, tŭ yua ba glăi kơmlai lu, sa hektar pơhrui glăi truh 1 klai 700 klăk prăk, pơhưč lu mơnuih mut hrom. Khua mir sir nao čuă hăng bơni, ƀơk gơnam kơ Khua mua wai lăng khul mơnuih tha rơma hăng 15 čô mơnuih ba gru hlâo amăng tơring čar Hải Dương.

Nay Jek: Pơblang