VOV4.Jarai - Ƀrô hrơi hơdor glăi 68 thun Hrơi blah dưi Điện Biên Phủ (7/5), hrơi tom brơi lơ 18/5) ƀơi plơi prong Điện Biên Phủ, tơring čar Điện Biên, Khua mir sir ơi Nguyễn Xuân Phúc nao pơhmư̆ hăng ngă yang mă yua Pra yang hơdor tơhan djai pơsăn drơi jăn ƀơi anih blah ngă Điện Biên Phủ hăng pơphun jơlan hơdră sang dŏ hơdor tơngia, djru ba mơnuih tơnap. Pơhiăp ƀơi mông ngă lơphet, Khua mir sir ơi Nguyễn Xuân Phúc lăp hơdor, tuh rơyuh pran jua pơpŭ bơni kơ Khua mir sir Hồ Chí Minh prong pring; rơngôt kơ Đại tướng Võ Nguyên Giáp, laih dong hơdor na nao tơlơi gum pơgôp prong prin mơng ƀing khua, ling tơhan, hlăk ai gum blah, mơnuih mă bruă amăng anih giăm ayăt, tơhan hăng mơnuih ƀon sang ta khin hơtai blah ayăt, djai drơi pô, hơmâo blah dưi Điện Biên Phủ hing ang. Pơsit Ping gah, Kơnuk kơna ta lêng lăng ba, git gai klă bruă “hơdor tơngia”, “mơñum ia hơdor kơ pô klơi” hăng lu hơdră djru, Khua mir sir lăi, Pra yang hơdor tơhan djai pơsăn drơi amra pơƀut bơngăt bơngoai mơng tơhan djai pơsăn drơi ƀơi lŏn Điện Biên, amra jing anih hơmâo ngă yang, pơpŭ kơ tơlơi gum djru prong prin mơng ling tơhan kơ Lŏn ia ta.

Siu H’Mai: Pơblang