VOV4.Jarai - Ƀơi plơi prong Việt Trì, Jơnum min mơnuih ƀon sang tơring čar Phú Thọ hơmâo pơphun hrơi ngă lơphet pok man pơdong sang gru grua adôh suang tơring čar Phú Thọ. Khua mir sir ơi Nguyễn Xuân Phúc nao lăng hrơi pơphun man pơdong ring bruă anai. Sang gru grua adôh suang tơring čar Phú Thọ man pơdong giăm tơdron lăk Hùng Vương kiăng kơ ba glăi anih hiam hrŏm amăng plơi pla Việt Trì.

Khua mir sir pơphun hrơi man pơdong sang

Ring bruă anai, abih tih rơnoh prăk tuh pơ alin giăm 400 klai prăk, prong 1 rơbâo anih dŏ hơmâo 3 tal, hăng sa tal gah gŭ laih dong hăng tal hăng glông bơbung, đơ đam prong giăm 5 rơbâo met karê. Him lăng amra pơgiong amăng thun 2023. Tơdơi kơ man pơdong giong, Sang gru grua adôh suang tơring čar amra lĕ anih pơphun hơdôm hrơi ngui adôh suang anet prong, ngui adôh suang amăng mơnuih mơnam hăng hơdôm hrơi jơnum pơƀut bruă kơđi čar, bơwih ƀong huă, gru grua - mơnuih mơnam pơkŏn, amra jing anih nao lăng arăng ngui adôh suang mơng mơnuih ƀon sang hăng tuai čuă ngui.

Siu Đoan: Pơblang