Khua mir sir ơi Võ Văn Thưởng nao pơhmư̆ mông ngă lơphet mă yua Gong phun pôr jua pơhiăp. Ƀơi mông ngă lơphet, Kơ-iăng khua Gong phun pơtui jua pơhiăp dêh čar Việt Nam ơi Vũ Hải Quang brơi thâo, Gong phun pôr jua pơhiăp Dơnung Tong krah jing anom bruă yôm mơng abih bang anom bruă por jua pơhiăp phun, djru brơi Gong phun pơtui jua pơhiăp Việt Nam ngă truh kih djŏp bruă mơ̆ Ping gah hăng Kơnuk kơna jao.

Pơhiăp ƀơi mông mă yua anom bruă, pơ ala kơ Ping gah, Kơnuk kơna, Khua mir sir ơi Võ Văn Thưởng bơni hơ-ơč kơ abih bang khua mua, mơnuih mă bruă amăng Gong phun pơtui jua pơhiăp Việt Nam hơmâo mă yua Gong phun pôr jua pơhiăp kual Dơnung Tong krah djơ̆ amăng hrơi ngă lơphet 98 thun Hrơi čih hră pơhing hơkrŭ lŏn ia, lăi bruă anai yôm biă mă, ba Tơlơi pơhiăp Việt Nam truh pơ kual ia rơsĭ Ngŏ Dơnung Lŏn ia, pơ kual ataih yaih mơng hơdôm boh tơring čar Dơnung Tong Krah, djru ba tơlơi pơhiăp mơng Ping gah, Kơnuk kơna truh hăng mơnuih ƀon sang, ba nao tơlơi pơhing yôm gah bruă bơwih ƀong, mơnuih mơnam, biă ñu tơlơi pơhing tơlơi truh lŏn adai ngă, hơjan kơthel kiăng mơnuih hyu mă akan thâo, hơdôm tơlơi pơhing gah bruă pơtom hiăp mơng dêh čar Việt Nam hăng hơdôm boh dêh čar tač rơngiao.