VOV4.Jarai - Tlam lơ 21/7, ƀơi sang bruă Khua mir sir, Khua mir sir ơi Nguyễn Xuân Phúc, Ding kơna Ding jum kơđi čar, Khua anom bruă git gai akŏ bruă “Hơdră akŏ pơdong hăng ngă pơgiong Kơnuk kơna tui tơlơi phiăn xã hội chủ nghĩa Việt Nam truh thun 2030, anăp nao truh pơ thun 2045” git gai mông ngă bruă hăng Anom djru bruă Ping gah dêh čar hăng Khul khua Dap hơdră mă bruă, ƀing rơgơi kơhnâo ngă pơgiong Akŏ bruă. Pơgôp hiăp ƀơi mông ngă bruă, Khua mir sir ơi Nguyễn Xuân Phúc lăng yôm biă kơ Anom djru bruă Ping gah, ƀing rơgơi kơhnâo, apăn bruă tơlơi phiăn hơmâo pơhiăp nao rai tơpă kơ hơdôm tơlơi hơmâo mơng kơčăo bruă; laih dong bơni kơ tơlơi gir run, pran jua gơgrong bruă mơng Grup dăp hơdră mă bruă. Kơ hơdôm tơlơi phrâo hơmâo lăi nao amăng kơčăo bruă, Khua mir sir kiăng lăi pơthâo rơđah, djơ̆ pran.

Hơdôm hră pơ-ar pơhlôm dưm kơnar, djơ̆ hrŏm tơlơi phiăn hăng bruă kơđi čar. Khua mir sir kiăng Grup dăp hơdră ngă bruă čih pơkra kơčăo bruă pơhmư̆ tơlơi pơgôp hiăp ƀơi mông mă bruă, lăng glăi tañ, pơhrua tui đah mơng ngă pơgiong kơčăo bruă či rơkâo tơlơi pơgôp hiăp dong ƀơi Mông jơnum tal 4 mơng Khul khua git gai.

Siu H’Mai: Pơblang