VOV4.Jarai - Tlam lơ 24/5, Khua mir sir ơi Nguyễn Xuân Phúc hơmâo mông ngă bruă hăng Grup dăp hơdră čih pơkra kơčăo bruă “Akŏ pơjing hăng ngă pơgiong Kơnuk kơna hơdip tui tơlơi phiăn xã hội chủ nghĩa Việt Nam truh thun 2030, lăng nao truh pơ thun 2045”. Pơhiăp ƀơi mông ngă bruă, Khua mir sir bơni tơlơi gir run hăng gơgrong bruă mơng ding kơna Grup dăp hơdră čih pơkra akŏ bruă, hơdôm hră pơ-ar bơdjơ̆ nao kơčăo bruă hơmâo djơ̆ hăng tơlơi kiăng, djơ̆ hăng hrơi pơkă yua Anom bruă git gai jao; ƀing mă bruă amăng Grup ăt krăp lăng boh than mơng bruă kơsem min akŏ bruă mơng hơdôm anom bruă, tơlơi pơgôp hiăp mơng Anom git gai đah mơng ngă giong Kơčăo bruă.

Hrơi mă bruă.

Amăng anun pơƀut ngă rơđah tơlơi yôm phun mơng kơčăo bruă; pơsit rơđah hloh hơdôm tơlơi kơtưn nao, bruă kiăng ngă hăng anăp nao mơng anai truh thun 2030, hăng mơng 2030 truh thun 2045; pơsit tơlơi git gai mơng ping gah, tui jơlan xã hội chủ nghĩa, tơlơi gơgrong bruă ngă pô mơng Mơnuih ƀon sang amăng bruă akŏ pơjing, ngă giong Kơnuk kơna tui tơlơi phiăn xã hội chủ nghĩa Việt Nam.

Siu H’Mai: Pơblang