VOV4.Jarai - Mơguah lơ 14/7, ƀơi Hà Nội, Khua mir sir ơi Nguyễn Xuân Phúc, Khua Khul git gai čih pơkra akŏ bruă “Hơdră akŏ pơdong hăng ngă pơgiong Kơnuk kơna tui tơlơi phiăn XHCN Việt Nam truh thun 2030, lăng nao pơ anăp truh thun 2045” git gai Jơnum khua apăn bruă git gai bruă mă hăng Ping gah khul jơnum min djŏp djuai ania mơnuih mơnam Việt Nam kơ tơlơi hơmâo lăi nao amăng kơčăo bruă. Lăi glăi tơlơi pơtô mơng Wa Hồ “Gum pơgôp, gum pơgôp, abih bang gum pơgôp, truh kih, truh kih, truh kih prong”, Khua mir sir ơi Nguyễn Xuân Phúc pơsit, Jơnum min djŏp djuai ania mơnuih mơnam Việt Nam jing anom bruă yôm amăng pơtrut tui tơllơi dưi mơnuih ƀon sang ngă pô xã hội chủ nghĩa, tơdơi dưi mơng mơnuih ƀon sang amăng akŏ pơdong Kơnuk kơna tui tơlơi phiăn xã hội chủ nghĩa Việt Nam.

Ƀơi mông ngă bruă, sa, dua bruă yôm phun, pơplih phrâo amăng akŏ pơdong hăng ngă giong Kơnuk kơna tui tơlơi phiăn XHCN Việt Nam bơdjơ̆ nao tơlơi gơgrong bruă, bruă kiăng ngă mơng Jơnum min djŏp djuai ania mơnuih mơnam Việt Nam ăt hơmâo bơkơtuai ngă rơđah mơn. Lu tơlơi bơdjơ̆ nao bruă anom bruă, bruă mă mơng Jơnum min djŏp djuai ania mơnuih mơnam Việt Nam hơmâo Grup dăp hơdră pơƀut glăi laih anun pơmut nao amăng Kơčăo bruă.

Siu H’Mai: Pơblang