Ƀrô tal nao čuă gưl kơnuk kơna truh pơ dêh čar Êjip, Khua mir sir ơi Lương Cường hăng Bơnai ñu laih anun grup khua mua dêh čar Việt Nam hơmâo bưp ƀing khua mua, mơnuih apăn bruă sang bruă pơ ala dêh čar Việt Nam hăng mơnuih ƀôn sang Việt Nam ƀơi dêh čar Êjip.

Amăng mông bưp mơak klă, jĕ giăm, pơđao pran, pơ ala kơ Ping gah hăng Kơnuk kơna, Khua mir sir ơi Lương Cường mơ-it hiăp tơña bla kơ abih bang mơnuih ƀôn sang Việt Nam dŏ hơdip mơda, mă bruă, hrăm hră ƀơi dêh čar Êjip; mơ-it hiăp kơ abih bang mơnuih apăn bruă sang bruă khua anih jưh pơ ala Việt Nam hăng sang anŏ ƀing gơñu hăng tơlơi khăp pơpŭ biă mă laih anun bơni hơ-ơč prong hloh.

Lăi pơthâo tơlơi pơhing kơ mơnuih ƀôn sang Việt ƀơi dêh čar Êjip, Khua mir sir lăi, tơdơi kơ 40 thun pơblih phrâo, Việt Nam hlăk hơ-ĭn pran jua yak nao amăng rơnuk pơblih phrâo, rơnuk thun pơđĭ kyar pơdrong sah hăng mơak hlak, gir run hloh kiăng jing sa boh lŏn ia pơđĭ kyar hơmâo măi mok, ia rơgơi phrâo, rơnoh pơhrui glăi truh thun 2030, laih anun truh thun 2045, pơkă dưm dưm kiăo tui gơ̆p mơ̆n, jing lŏn pơđĭ kyar kơtang, pơdrong sah hloh mơ̆n. Khua mir sir đăo sit, mơnuih ƀôn sang ăt djă pioh gru grua djuai ania, khăp kơ lŏn ia, gum tơngan hrŏm akŏ pơdong khul djru ba hur har pơđĭ kyar, kơjăp kơtang, ngă tui djơ̆ tơlơi phiăn dêh čar hlăk dŏ hăng mut phung mơak hăng mơnuih mơnam dêh čar arăng, djru hrŏm lu hloh pơđĭ kyar ƀơi dêh čar Êjip ăt kah hăng bruă ngă pŭ ƀăn dua bơnah dêh čar; laih dơ̆ng djă pioh tơlơi pơhiăp hăng boh hră djuai ania dêh čar ta pô hăng gru grua hiam mơ̆ng djuai ania, pơtô glăi kơ ană tơčô mô yâo truh rơnuk tơdơi adih.