Khua mir sir pơpŭ hơdôm boh than dưi ngă yôm phăn mơ̆ djop rơnuk khua git gai, ƀing apăn bruă ding jum pơtom hiăp dưi ngă. Dong mơng akŏ rơwang Jơnum Ping gah tal XIII truh ră anai, bruă pơtom hiăp hơmâo lu tơlơi dưi yôm phăn, pơgôp hrŏm amăng tơlơi dưi lŏn ia ta. Amăng anun, yôm hloh lĕ bruă pơtom hiăp hơmâo tŏ tui kơtang tơlơi gơgrong ba jơlan hlâo amăng bruă pơjing hăng kjăp amăng bruă pơhlôm rơnuk rơnua, hơđong kiăng pơđĭ kyar.

Kơ jơlan gah bruă pơtom hiăp pơ anăp anai, Khua mir sir ơi Lương Cường lăi pơtong tơlơi pơkă tơpă ară, pơmut hrŏm hăng pran kơtang djuai ania hăng pran kơtang amăng rơnuk phrâo, kjăp kiăo tui hơnong pơkă ba tơbiă, hơdeč hmar kơ jơlan gah, pơhlôm brơi klă hloh kơ tơlơi dưi lŏn ia-djuai ania. Bruă pơtom hiăp kiăng ngă tui bruă jao prong hloh, anun lĕ pơgôp pơhlôm rơnuk rơnua, hơđong, tŭ mă djop ngăn rơnoh hăng tơlơi gêh gal mơng gah rơngiao kiăng pơđĭ kyar lŏn ia.