Khua mir sir ơi Lương Cường nao čuă ƀing apăn bruă, tơhan kông ang tơring čar Phú Thọ
Thứ ba, 10:48, 08/04/2025
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah lơ 7/4, ƀrô hrơi nao tŭ ñang huă pơsat ơi pơtao Hùng, Khua mir sir ơi Lương Cường hơmâo nao čuă hăng juh alum pran jua ƀing apăn bruă, tơhan kông ang tơring čar Phú Thọ ƀơi sang bruă pôr pơhing, anom bruă git gai tơhan kông ang tơring čar Phú Thọ pơdong ƀơi anih djă pioh gru grua pra yang ơi pơtao Hùng.
Khua mir sir ơi Lương Cường pơtă, hrơi huă pơsat ơi pơtao Hùng hăng rơwang hrơi tơjuh gru grua-tuai čuă ngui ƀơi lŏn ơi yă thun anai pơphun dong mơng lơ 29/3 truh lơ 7/4 yua anun mah ngă klă bruă pơhlôm rơnuk rơnua hơdôm hrơ rơgao samơ̆ amăng hrơi rơnuč ngă yang, kông ang tơring čar Phú Thọ ăt kiăng gum hrŏm hăng hơdôm anom bruă đing nao pơhlôm klă hloh, gơgrong, pơgang rơnuk rơnua, hơđong brơi tuai čuă ngui hăng anăm brơi ƀuh tơlơi sat hơget ôh; laih dong tŏ tui gru grua gum pơgôp, ngă klă hơdôm bruă jao mơ̆ khua mua kông ang, khua mua tơring čar Phú Thọ jao.
Viết bình luận