Amăng mông mă bruă, Khua mir sir ơi Lương Cường pơpŭ hơdôm boh than dưi ngă mơng tơhan kông ang dong mơng akŏ rơwang truh ră anai, hơmâo gơgrong ngă tui khut khăt tañ hloh, mơng ataih hơdôm bruă bơdjơ̆ nao wai pơgang rơnuk rơnua lŏn ia, ngă aset tui mơnuih ngă soh, pơsir hĭ hơdôm bruă glêh tap hloh. Sit biă ñu, Ding jum kông ang ba jơlan hlâo amăng bruă pơplih yua boh thâo phrâo hăng ngă tui tơlơi pơtrun mrô 18 mơng gơnong glông, pơjing tơhan kông ang mă bruă tơpă, hơđong, kjăp bruă, pơplih phrâo, pơlir hăng bruă pơphun dưm dăp anih anom brơi hơbot, prong kơtang, mă bruă klă hloh, ba glăi lu tơlơi găn rơgao amăng bruă dưm dăp anih anom mă bruă mơng Ding jum kơđi čar.

Pơ anăp anai, Khua mir sir ơi Lương Cường rơkâo tơhan kông ang tŏ tui đing nao prong ƀiă dong amăng bruă wai pơgang rơnuk rơnua, hơđong amăng hơdôm hrơi jơnum pơƀut yôm phăn amăng lŏn ia hăng Jơnum Ping gah djop gưl, anăp nao Jơnum Ping gah tal XIV.