Khua mir sir dêh čar ơi Lương Cường nao ngă lơphet hrŏm. Pơ-ư ang hăng ol kơdol lơm lăng glăi thun blan glêh glar mơ̆ sông kơtang, ba glăi tơlơi hing ang, Khua mir sir lăi pơtong anai ăt lĕ hrơi mông kiăng lăng glăi tơlơi pơđĭ kyar kơtang hloh mơng Bình Phước-kual lŏn gir kơtir, sông kơtang, glăk hrưn đĭ kơtang hloh. Khua mir sir pơsit tong Bình Phước ƀu djơ̆ kơnong  jing anih ngă bơngač amăng pơđĭ kyar bơwih ƀong huă-mơnuih mơnam đôč ôh mơ̆ ăt pơdah pran kơtang, hrưn đĭ pơđĭ kyar ƀu pơdơi mơng kual lŏn blah wang kơtang hloh.

Khua mir sir dêh čar lăi pơtong, hơdôm tơlơi yôm mơng tơlơi rơngai, rơnuk rơnua, pơlir hơbit hăng pơđĭ kyar ră anai hơmâo pơjing mơng pran gir run, tuh rơyuh pran jua hăng djai pơsăn drơi jăn mơng rơnuk ơi yă. Tui Khua mir sir anai lĕ tơlơi pơtrut rĭm čô ană tơčô Bình Phước kiăng hrưn đĭ, gir run ngă bruă, pơčeh phrâo, gum tơngan hrŏm pơjing Bình Phước pơdrong asah, pơplih phrâo, lăp djơ̆ hăng gru grua sông kơtang mơ̆ rơnuk ơi yă pioh glăi.