Hăng tơlơi pôr pơthâo “Pơpŭ kơ anŏ yôm tơlơi rơngai, pơplih kjăp kơtang či akŏ pơdong tơlơi hơdip pơgi kơdih hơđong kjăp hloh”, Khua mir sir pơsit, 80 thun rơgao, Sang gum hơbit djŏp dêh čar jing phun tơdŭ mơ̆ng pran jua mơ̆ng ană mơnuih ta kơ tơlơi rơngai, ngă hrŏm hăng pơđĭ kyar, kiăo tui anŏ yôm kơ tơlơi dưi ană mơnuih, tơlơi rơngai djuai ania, bơkơnar hăng pơplih phrâo mơnuih mơnam.

Khua mir sir lăng yôm tơlơi gơgrong bruă mơ̆ng djŏp anom bruă amăng kual, amăng anun ASEAN bong kjăp ngă kual tong krah ƀơi ASIA - Thái Bình Dương, gir akŏ pơdong kual gơgrong pô, abih bang, hơđong kjăp. Khua mir sir ră ruai glăi Việt Nam mơ̆ng blah ngă phă prai, rin rơpa, ƀu kiăo hmao arăng, hơmâo dêh čar pơprong pơgăn hĭ, samơ̆ dưi hrưn đĭ jing dêh čar glăk đĭ kyar, prăk pơhrui glăi găp ƀrô mơn, mut hrŏm dlăm hăng jar kmar laih anun gum pơgôp kơ djŏp bruă bong kjăp rơnuk rơnua mơ̆ng Sang gum hơbit djŏp dêh čar./.