VOV4.Jarai - Lơ 10/10, ƀơi sang bruă Khua mir sir, Khua mir sir ơi Nguyễn Xuân Phúc bưp khua mua anom bơwih ƀong Kơnu kơna rơgơi mơbruă amăng bruă sĭ mơdrô hăng akŏ pơdong Ping gah. Pơhiăp ƀơi mông  bưp, Khua mir sir ơi Nguyễn Xuân Phúc lăi, anom bơwih ƀong Kơnuk kơna ƀu kơnong pơsir hĭ tơlơi lông lăng bơwih ƀong huă - mơnuih mơnam đôč ôh mơ̆, ăt jing “hla kơ” pơgang ba tơlơi pơmin hiam, jơlan đĭ kyar tui chủ nghĩa xã hội. Khua mir sir ơi Nguyễn Xuân Phúc kiăng Ping gah djŏp anom bơwih ƀong Dêh čar ta amăng hrơi blan pơ anăp ngă bruă klă hloh, git gai djơ̆ hăng Tơlơi pơtrun, tơlơi git gai mơng Ping gah; pơtrut bruă pơđĭ kyar Ping gah; akŏ pơdong anom bruă ping gah djơ̆ hrŏm dưm kơnar djơ̆ hăng hơnong pơkă, tơlơi kiăng ngă mơng anom bơwih ƀong lăp djơ̆.

Khua mir sir ơi Nguyễn Xuân Phúc čơphin rup hăng ƀing khua anom bơwih ƀong mơ̆ng Kơnuk kơna

Kơ hơdôm bruă kiăng ngă amăng hrơi blan pơ anăp, Khua mir sir ơi Nguyễn Xuân Phúc kiăng anom bruă git gai, wai lăng khŏm pơplih klă hloh, kiăo tui hơdră wai lăng rơnuk phrâo, pơtô brơi mơnuih mă bruă kiăng rơgơi, pơplih tui hơdră ngă bruă, thâo pơmin mă pô, ngă bruă tui tơlơi phiăn, kiăng dưi pơhnô nao rai mơng khul grup bơwih ƀong, kông ti pơprong.

Siu H’Mai: Pơblang