VOV4.Jarai - Amăng tal nao čuă gưl Kơnuk kơna pơ Singapore, tlam lơ 25/2 ƀơi Sang bruă khua git gai pơ ala mơnuih ƀon sang Singapore, Khua mir sir ơi Nguyễn Xuân Phúc hơmâo mông jơnum bưp Khua git gai pơ ala mơnuih ƀon sang dêh čar Singapore Tan Chuan-Jin. Khua git gai pơ ala mơnuih ƀon sang Singapore Tan Chuan-Jin hok mơ-ak kơ tal nao čuă mơng Khua mir sir ơi Nguyễn Xuân Phúc laih anun hok mơ-ak hăng lu tơlơi dưi ngă hiam mơng hơdôm tal pơbưp, jơnum kơplah wah Khua mir sir ơi Nguyễn Xuân Phúc hăng Khua mir sir Singapore yă Ha-li-mal Yacob laih anun Khua dêh čar Singapore ơi Lý Hiển Long, laih dong bơni hơ-ơč kơ Việt Nam kơ hơdôm tơlơi dưi ngă amăng pơđĭ kyar bơwih ƀong huă mơnuih mơnam hrơi blan rơgao, mah glăk hơmâo klin Covid-19. Khua mir sir ơi Nguyễn Xuân Phúc pơsit Việt Nam lêng lăng yôm hăng čang rơmang lăi pơthâo nao rai tơlơi thâo rơgơi ngă tơlơi phiăn đah mơng tañ djru ba Kơnuk kơna dua boh dêh čar amăng bruă pơgang pơgăn klin, pơplih bruă tuh pơ plai sĭ mơdrô djru hơkrŭ glăi tơlơi bơwih ƀong huă - mơnuih mơnam amăng tơlơi blan hơdip hrŏm hăng klin kheng, pok pơhai bruă ngă hrŏm lăp djơ̆ hăng tơlơi ngă gŏp yôm mơng dua boh dêh čar.

Siu H’Mai: Pơblang