VOV4.Jarai - Ƀrô hrơi hơdor 67 thun Hrơi pơpŭ kơ ơi ia jrao Việt Nam, mơguah lơ 27/2, Khua mir sir ơi Nguyễn Xuân Phúc bưp grup khua pơ ala nai ia jrao, ơi ia jrao rơgơi. Pơ ala kơ Ping gah, Kơnuk kơna, Khua mir sir ơi Nguyễn Xuân Phúc tơña bla, bơni hơ-ơč kơ 150 čô mơnuih pơ ala kơ ƀing ơi ia jrao rơgơi wai lăng tơlơi suaih pral mơnuih ƀon sang, laih dong bơni kơ abih bang ƀing khua, mơnuih mă bruă amăng sang ia jrao. Khua mir sir lăng yôm biă anom bruă ia jrao amăng 67 thun rơgao hơmâo lu tơlơi dưi ngă prong, jing sa amăng mrô ƀiă đôč dêh čar hơmâo sang ia jrao djŏp truh pơ plơi pla, pơhlôm hơmâo djŏp ia jrao yua kơ mơnuih ƀon sang. Khua mir sir pơtă pơtăn kơ ƀing ơi ia jrao khŏm gir hloh dong, hrăm bruă kiăng rơgơi tui dong đah mơng dưi pơjrao brơi mơnuih ƀon sang.

Khua mir sir nao čuă jơmư mơnuih mă bruă ia jrao.

Siu H’Mai: Pơblang