VOV4.Jarai - Khua mir sir ơi Nguyễn Xuân Phúc phrâo hơmâo mông bưp mơnuih mă bruă gah ia jâo hmư̆ hing ngă bruă rơgơi rơwang thun 2017-2022. Khua mir sir pơsit, 70 čô khua, mơnuih mă bruă gah ia jâo rơgơi hloh amăng tơlơi bơkơtưn “Mă bruă rơgơi - mă bruă pơčeh phrâo” jing boh than kơđŏm gru bruă tuh pơ plai, pơtô bruă, pơđĭ kyar mơnuih ngă khua, mơnuih mă bruă gah ia jâo rơgơi, djơ̆ hăng tơlơi kiăng mông anai.

Khua mir sir ơi Nguyễn Xuân Phúc brơi gơnam djă lăng lui kơ ƀing khua.

Tui hăng Khua mir sir, hơdôm tơlơi kơtưn gum pơgôp hăng pơđĭ kyar kơtang mơng djŏp rơnuk khua, mơnuih mă bruă jing Gru hiam gah anom bruă ia jâo, jing tơlơi yôm pơjing rai pran kơtang mơng anom bruă anai. Khua mir sir ăt kiăng anom bruă ia jâo ngă bruă na nao, pơplih phâo na nao đah mơng pơhlôm hơđong, rơnuk rơnua apui ayuh, dưi pơkra mă pô apui ayuh ƀơi anăp tơlơi đĭ kyar amăng rơnuk phrâo.

Siu H’Mai: Pơblang