Khua mir sir ơi Nguyễn Xuân Phúc jao Miđai mă bruă mrô I brơi grup Trường Hải
Thứ hai, 10:44, 12/12/2022
VOV/Siu Đoan Pơblang
VOV/Siu Đoan Pơblang
VOV4.Jarai - Tlam mơmŏt lơ 11/12, ƀơiu ƀôn prong Hồ Chí Minh, Khua mir sir ơi Nguyễn Xuân Phúc hơmâo nao pơhmư̆ tal hơdor glăi 25 thun hrơi akŏ pơjing grup pơčuih ngăn Trường Hải (arăng klah čun THACO) hăng jao brơi Miđai mă bruă mrô I brơi kơ grup.
Pơ ala brơi khua mua Ping gah, Kơnuk kơna, Khua mir sir ơi Nguyễn Xuân Phúc pơpŭ bơni brơi ƀing apăn bruă mơnuih mă bruă mơng THACO amăng djop rơnu hăng hơdôm tơlơi dưi prong prin amăng 25 thun akŏ pơjing hăng prong kơtang.
Mơng sa boh anom bruă pơkra rơdêh ƀơi Đồng Nai, ră anai jing sa grup pơkra pơjing djop mơta prong hloh ƀơi Việt Nam, hơmâo pơgôp yôm phăn amăng pơđĭ kyar lŏn ia. Khua mir sir rơkâo djop khul grup bơwih ƀong huă ƀơi Việt Nam, wŏt anom bruă yua kơnuk kơna wai lăng hăng pơdong mă hơjăn, kiăng ba jơlan hlâo amăng kơsem min pơđĭ kyar, mă yua boh thâo phrâo, ba nao sĭ mơdrô amăng tar ƀar rŏng lŏn tơnah, ngă hmư̆ hing brơi anăn apăn sĭ mơdrô mơng dêh čar Việt Nam.
Viết bình luận