VOV4.Jarai - Mơguah lơ 4/8, Ding jum kông ang pơphun mông ngă lơphet jao pri Tơhan sông kơtang amăng rơnuk phrâo brơi kơ anom bruă tơhan sŭ luă kông ang mơnuih ƀon sang. Khua mir sir ơi Nguyễn Xuân Phúc nao jơnum hăng jao pri Tơhan sông kơtang.

Đĭ pơhiăp amăng mông jơnum, Khua mir sir ơi Nguyễn Xuân Phúc lăi pơtong bruă čơkă mă pri tơhan sông kơtang tal anai lĕ tơlơi ngă hok mơ-ak, pơ-ư ang prong prin mơng abih bang tơhan kông ang lăi hrŏm hăng tơhan sŭ luă kông ang mơnuih ƀon sang hnun mơn; pơsit tơlơi tŭ yap lăp djơ̆ mơng Ping gah, Kơnuk kơna hăng hơdôm tơlơi gir run, gum pơgôp  ƀu pơdơi mơng tơhan kiăo tui lăng sŭ mơng kông ang mơnuih ƀon sang. Khua mir sir čang rơmang tơhan sŭ luă kông ang mơnuih ƀon sang amra jai hrơi prong kơtang, jing ling tơhan akŏ phun, đăo gơnang, djơ̆ hăng tơlơi kiăng mơng Ping gah, Kơnuk kơna hăng mơnuih ƀon sang, jing “tơngia, mơta” kơ Ping gah tui hăng Khua mir sir Hồ Chí Minh kiăng khăp hơmâo pơtô.

Siu Đoan: Pơblang