Mơguah lơ 6/12, tơdơi kơ mông jơnum bơkơtuai anom bơwih ƀong sĭ mơdrô Việt Nam - Hàn Quốc ƀơi plơi prong jưh jom Seoul hăng rơbêh 500 čô khua mua mơng hơdôm anom bơwih ƀong sĭ mơdrô dua bơnah, Khua mir sir ơi Nguyễn Xuân Phúc git gai jơnum bơkơtuai hăng hơdôm khul grup, anom bơwih ƀong sĭ mơdrô prong mơng Hàn Quốc amăng bruă prăk kak-sang bruă prăk.

Amăng mông jơnum, Khua mir sir pơsit tong, Việt Nam lăng Hàn Quốc lĕ dêh čar ngă hrŏm yôm phăn hăng sui thun; čang rơmang hrŏm hăng Hàn Quốc ngă dơlăm tui tơlơi rô nao rai djop mơta hăng ngă phun laih dong hơdră pơtrut yôm phăn lĕ ngă hrŏm bơwih ƀong, ră anai ngă hrŏm sui thun hăng hơdôm anom bruă tuh pơ alin bơwih ƀong huă, sĭ mơdrô hăng tuh pơ alin. Khua mir sir lăi pơtong kơ hơdră ngă hrŏm phrâo mơng Việt Nam kiăng ngă gêh gal, tŭ yua dong hăng rơnoh prăk tuh pơ alin FDI ƀơi Việt Nam. Tui anun, Việt Nam mơng sa boh dêh čar pơhưč rơnoh prăk tuh pơ alin FDI hlâo anun hăng pran jua bơkơnar, gum hrŏm pơđĭ kyar, ba glăi tơlơi dưi hrŏm, thâo gum djru mơnuih mơnam, mơnuih mă bruă hăng wai pơgang ayuh hyiăng.