VOV4. Jarai - Mơguah lơ 21/4, ƀơi Hà Nội, Khua mir sir ơi Nguyễn Xuân Phúc mă bruă hăng Khul apăn bruă Khul mơnuih phat kơđi Việt Nam. Khua mir sir pơpŭ bơni, lăng yôm Khul phat kơđi Việt Nam yua hơdôm boh than dưi ngă, laih dong pơsit tong, Ping gah, Kơnuk kơna lêng kơ đing nao Khul anai hăng bruă mă mơng Khul.

Khua mir sir ơi Nguyễn Xuân Phúc mă bruă hăng Khul phat kơđi Việt Nam

Khua mir sir rơkâo, Ping gah hăng Khul apăn bruă Khul phat kơđi Việt Nam kiăng tŏ tui đing nao git gai khua mua djop gưl ngă tui hơdôm hơdră bruă, tơlơi črâo trun mơng Ping gah, biă mă ñu lĕ tơlơi črâo trun mrô 56 mơng Ding jum kơđi čar, ngă tui prap gơgrong mơng khul grup kơđi čar, pơhlôm ngă bruă tŭ yua tui hơnong pơkă. Khua mir sir ơi Nguyễn Xuân Phúc ăt rơkâo Khul phat kơđi tŏ tui pơtrut kơta amăng pơtô pơblang hơdră bruă mơng Ping gah, tơlơi phiăn Kơnuk kơna brơi kơ ƀing ding kơna hăng mơnuih ƀon sang, kiăng ngă tui djơ̆ tơlơi phăn.

Siu Đoan: Pơblang