VOV4.Jarai - Mơguah lơ 3/8, Khua mir sir ơi Nguyễn Xuân Phúc, Khua khul git gai čih pơkra tơlơi phiăn dêh čar nao čuă hăng pel ĕp bruă pok mơnă thun 2022 ƀơi sang krư̆ Xuân Lộc (Anom C10, Ding jum kông ang), tơring glông Xuân Lộc, tơring čar Đồng Nai. Amăng mông mă bruă, Khua mir sir ơi Nguyễn Xuân Phúc rơkâo amăng 1 blan pơ anăp, hơdôm sang krư̆ mơnă sui thun, sang krư̆ jai jang hăng anih pơtô pơhrăm brơi ƀing mơnă amăng đơ đam dêh čar pel ĕp glăi kiăng pơhlôm huăi wơr hlơi djơ̆ hăng tơlơi pơkă hăng anăm brơi hlơi ôh aka ƀu ngă tui tơlơi pơkă dưi sem lăng brơi tơbiă sang krư̆ hlâo hrơi pơkă tal anai.

Khua mir sir ăt rơkâo Khul črâo ba bruă pok mơnă ngă tui khut khăt djơ̆ hăng tơlơi phiăn, hăng tơlơi rơkâo lĕ anăm brơi ngă soh ƀudah hơdôm bruă hơgŏm hơpă, tơdah hơmâo tơlơi lăi pơthâo kiăng kơ sem lăng tong ten kiăng huăi bơbeč nao tơlơi yôm mơng bruă mă hăng hơdră khăp pap anai mơng Ping gah, Kơnuk kơna. Djop ƀon lan kiăng prap lui gêh gal kiăng ƀing mơnă dưi tơbiă sang krư̆ hlâo hrơi pơkă dưi mut hrŏm hơdip amăng mơnuih mơnam.

Siu Đoan: Pơblang