VOV4.Jarai - Ƀrô tal nao ngă lơphet pọ pra yang pioh hơdor tơhan djai pơsăn drơi ƀơi Tơdron blah wang Điện Biên Phủ hăng mă bruă tom tơring čar Điện Biên amăng 2 hrơi dong mơng lơ 17 truh lơ 18/5, Khua mir sir ơi Nguyễn Xuân Phúc hơmâo nao tŭi ñang, dưm guang bơnga pioh hơdor ƀing tơhan djai pơsăn drơi ƀơi pơsat dor tơhan dêh čar A1, nao čuă Sang djă pioh gru grua blah dưi hing ang Điện Biên Phủ; nao čuă, ƀơk giăm 160 anung gơnam brơi tơhan hơđăp Điện Biên amăng djop plơi pla amăng tơring čar. Khua mir sir ơi Nguyễn Xuân Phúc hăng grup hyu mă bruă hơmâo tŭi ñang hơ-ŭ hơdor kơ ƀing tơhan djai pơsăn drơi ƀơi pơsat dor tơhan dêh čar A1.

Laih dong, Khua mir sir ơi Nguyễn Xuân Phúc hơmâo nao čuă anih djă pioh gru grua boh dưi Điện Biên Phủ, anih pơdă prưng, lăi pơthâo hră pơ-ar, gơnam tam mơng rơnuk blah wang Điện Biên Phủ. Čih amăng hră djă pioh ƀơi Sang djă pioh gru grua, Khua mir sir ơi Nguyễn Xuân Phúc pơdah pran jua ol kơdol lơ̆m nao čuă anih djă pioh gơnam tam, rup rap pơdah pran sông kơtang mơng ling tơhan Điện Biên amăng rơnuk blah wah Điện Biên Phủ găn rơgao 56 hrơi mlăm, kiăng kơ ba glăi tơlơi dưi hing ang amăng lŏn ia hăng tač rơngiao.

Siu Đoan: Pơblang