VOV4.Jarai - Ƀrô tal hơdor glăi 75 thun hrơi tơhan rơka-tơhan djai pơsăn drơi jăn (27/7/1947-27/7/2022), mơguah lơ 26/7, Khua mir sir ơi Nguyễn Xuân Phúc nao Jơnum pơpŭ ƀing mơnuih djru hơkrŭ ba gru amăng tơhan kông ang mơnuih ƀon sang rơwang thun 2017-2022. Nao Jơnum hơmâo 461 čô khua mua pơ ala brơi hơdôm rơbăn čô tơhan rơka, sang anŏ tơhan djai pơsăn drơi hăng ƀing mơnuih djru hơkrŭ hơmâo hăng glăi mă bruă amăng tơhan kông ang amăng djop rơnuk. Đĭ pơhiăp amăng mông jơnum, Khua mir sir ơi Nguyễn Xuân Phúc mơ-it nao ƀing kông ang hơđăp, ƀing tơhan sông kơtang, ƀing rơgơi gah mă bruă, ƀing tơhan rơka rơkač, sang anŏ tơhan djai pơsăn drơi jăn, ƀing mơnuih djru hơkrŭ, djop khul grup, ƀing mơnuih gum pơgôp prong prin amăng bruă hơdor tơngia hrŏm hăng abih bang mơnuih apăn bruă, tơhan kông ang tơlơi tơña bla, pơdah pran khăp pap hăng pơpŭ bơni abih pran jua. Khua mir sir lăi rơđah, Ping gah, Kơnuk kơna hăng mơnuih ƀon sang amra hơdor tơngia na nao kơ ƀing tơhan kông kơtang, tơhan djai pơsăn drơi, tơhan rơka, ƀing mơnuih djru hơkrŭ, ƀing tơhan tuh tơyuh pran jua kiăng pơklaih rơngai lŏn ia, pơjing hăng wai pơgang lŏn ia, pơhlôm rơnuk rơnua, hơđong tơlơi hơdip brơi mơnuih ƀon sang.

Siu Đoan: Pơblang